(§* بنت جنين§*)§®¤*~ˆضيف تحت الاضواء

ههههههههههههههههههه

وقعت وماحد سمي عليها

بنت جنينن

والله هلاوغلا اهلا اهلااهلا

شو الفرصة السعيدة الي اشوفك فيها علي كرسي الاعتراف

طيب

ابدأ بالاسئلة


الاول :- بنت جنين ما ذا تقولي في هذا اليوم الذي نكرم فيه امهاتنا الماجدات المسلمات و الفلسطينيات اجمع
امهات الشهداء والجرحي والاسري والامهات الاسيرات القابعات خلف قضبان الاحتلال . ؟؟

السؤال الثاني :- هل تحبين الاطفال ؟وما الجنس التي تتقبلينه الولد ام البنت(ذكر / انثي) ولماذا ؟

السؤال الثالث :- بالنسبة للمنتدي تقيمك له ؟ وافضل فئة (قسم) والمنتدي المفضل ؟

كم عدد المنتدي التي تقضين وقتك فيهم ؟ واكثرمنتدي تفضليه (اسمه ان وجد) ؟والاسم المستعارالمفضل ؟ وما اكثر عضو تجديه المثالي ؟ومن العضو الشقي ؟ومن الاداري المميز ؟ومن العضوالمميز ؟وما هي اللعبةالمفضلة بالمنتدي ؟ ليث المشاهد الي هو انا شو بتحكي عنه ؟؟؟؟

اخر شيء؟!

بنت جنين لو يوم زعلت شو بتعمل ولمين بتفضفض اكثر (لمين بتشكي) ؟
وفي الختمام اتمني ان لا اكون قد تقلت دمي بأسئلتي
وكل التحية والشكر والتقدير لكي اخت بنت جنين
ودمتي بحفظ الله وتوفيقه

هلا وغلا اختي بنت جنين

يا رب اسئلتنا تكون سهله عليكي

نبدأ اختي ****

1/ ما رأيك بملتقى عهد الشهداء وما تقييمك له؟
2/ ما رأيك بفتح واحنا رجالها ؟
3/ ما اصعب موقف مر عليكي ؟
4/ هل تنتمين لحركه فتح؟ لماذا؟
5/من هو افضل شخص بالمنتدى حسب رأيك؟؟؟؟ بصراحه
6/ما رأيك بكل من //

ليث المشاهد/
المارده الفتحاويه/
عاشقه الشهيد/
عهعد الشهداء/
مسلم/
قلب الاسد/
مجنون فتح/
زهرة الحنون/
فتحاوي من الشتات/

ان شاء الله لي عوده

يا رب ما تكون اسئلتي صعبه او شي متل هيك؟؟؟؟

لاول :- بنت جنين ما ذا تقولي في هذا اليوم الذي نكرم فيه امهاتنا الماجدات المسلمات و الفلسطينيات اجمع
امهات الشهداء والجرحي والاسري والامهات الاسيرات القابعات خلف قضبان الاحتلال . ؟؟

بحكيلهن كل عام وهن بخير والله يطول بعمرهن ام ام اعظم امهات عرفهن التاريخ من رحمهم خرج الابطال ولا زالو يخرجون
وانا شخصيا زي ما بعرف ليث والمارده كنت باحتفال لتكريم امهات الاسرى والشهداء والجرحى وهاد واجب قليل جدا جدا جدا بنقدمو لهيك عظيمات صابرات مجاهدات الله يطول بعمرهن يا رب


السؤال الثاني :- هل تحبين الاطفال ؟وما الجنس التي تتقبلينه الولد ام البنت(ذكر / انثي) ولماذا

بحبهم كتير كتير كتير وبتقبل كل الاشكال ولد او بنت المهم الخلقه السليمه والخلق الحسن
اما انا شو بفضل يعني البنات نفسي اجيب عشر بنات واخليهن عشر اميرات واجوزهن لشباب المنتدى العزابيه واعمل حماتهم واطلع عينهم هههههههههههه


السؤال الثالث :- بالنسبة للمنتدي تقيمك له ؟ وافضل فئة (قسم) والمنتدي المفضل ؟
المنتدى رائع جدابدو شوية همه وبصير اعظم من هيك اكيد
بهمة اعضاءو امديرو المقدام بصير كل اشي تمام وافضلقسم بالمنتدى عندي الاغاني الوطنيه والاشعار


كم عدد المنتدي التي تقضين وقتك فيهم ؟ واكثرمنتدي تفضليه (اسمه ان وجد) ؟والاسم المستعارالمفضل ؟ وما اكثر عضو تجديه المثالي ؟ومن العضو الشقي ؟ومن الاداري المميز ؟ومن العضوالمميز ؟وما هي اللعبةالمفضلة بالمنتدي ؟ ليث المشاهد الي هو انا شو بتحكي عنه ؟؟؟؟

حاليا ما في غير منتدى عهد الشهداء كنت مشرفه بمنتدى اسمو حسناء الفارس باسم بس تركتو
واحلا اسم مستعار عندي بنت الشمس واكتر عضو مثالي المارده والعضو الشقي قلب الاسد والعضو المميز عهد الشهداء ولاللعبه المفضله غسل السياره اما شو ليث المشاهد اخ عزيز اهم اشي مدير مميز بروحو الحلوه وطريقة تعامله مع الاعضاء وخصوصا انا مرح جدا خدوم جدا بيقبل الانتقادات وبرحب بمبادرات الاعضاء مؤدب جد الله يخليه لاموحبيب امو ويخليه ذخر للمنتدى


بنت جنين لو يوم زعلت شو بتعمل ولمين بتفضفض اكثر (لمين بتشكي) ؟
اولا الشكوى لغير الله مذله بعدين انا لما بزعل من حدا او بدايق من حدا بروح للحدا وبحكيلو بوجهو (يعني بقل للاعور انت اعور بعينك) وبحبش اخلي بقلبي اشي او غل على حدا والحمد لله عادي منيحه فيه الا هالواحد مش قادره احبو نهائيا


بتمنى اكون جاوبت زي ما بدك يا ليث وشكرا على الاسئله والله يسامحك يا مارده على هالورطه

وليث هلكتني قد ما سالت بسمعلش
المهم شفيت غليك مني هههههههههههههههههههههه

هلا وغلا اخي فتح واحنا رجالها
انا سعيده طبعا بسؤالاتك وهسه بدي اجاوب عليهن


1/ ما رأيك بملتقى عهد الشهداء وما تقييمك له؟
منتدى اكثر من رائع واعضاء اكثر من روعه

2/ ما رأيك بفتح واحنا رجالها ؟
اداري رائع خدوم جدا خفيف دم وخفيف روح بكره البنات باللعب وكتير بظمهن هههههههههههههههههه بس اكيد اخ عزيز وغالي

3/ ما اصعب موقف مر عليكي ؟
اكيد ما في اصعب من موقف وفاة والدي واستشهاد اخوي الله يرحمهم ويجمعني فيهم بجنان الخلد

4/ هل تنتمين لحركه فتح؟ لماذا؟
نعم انتمي بكل معنى الكلمه لانو فتح هي الام وهي الاب هي التاريخ والماضي والمستقبل هي الثوره هي فلسطين وباختصار فتح اولا وفتح اخرا وهي وعلى طريقها سائرون وبقول بعالي الصوت انا فتح وبنت فتح واللي ما الو هخير بفتح ما الو خير بحدا شو بدياحكي عن فتح لسا فتح الياسر فتح ابو جهاد فتح فتح فتح وبسسسسسسسسسسسس

5/من هو افضل شخص بالمنتدى حسب رأيك؟؟؟؟ بصراحه
كلكم اعضاء مميزين بس المارده صار يربطني فيها علاقه حلوه كتير

6/ما رأيك بكل من //

ليث المشاهد/ مدير ارائع اخ غالي شقي جدا بس قلبو كبير وحنون وبتمنالو التوفيق والى الامام
المارده الفتحاويه/اختي اللي ما ولدتها امي عزيزه وغاليه وقلبها كبير والله يخليلي اياها وعضوه مميزه بمشاركاتها الحلوه وروحها المرحه والها كل الاحترام
عاشقه الشهيد/برضو اخت عزيزه وعضوه نهشيطهومشاكاتها اموره وحلوه كتير ومفيده وبالتوفيق انشالله
عهعد الشهداء/عهد يا عهد شقي كتير وخفيف دم ومرح جدا بعتبرو اخوي المكبير بالمنتدى بتمنى اعرفو اكتر لاني حاسو شخصيه جد مثاليه الله يديمو
مسلم/ صحيح ما بعرفو بس زميلي بالاشراف واكيد مشرف مميز وذو مواضيع مميزي زيو
قلب الاسد/اخخخخخخخخخخخخخ منو شو شرير قلب باشا بس حنون وهو اعطانا انذار انا خواتو وهيك مزحو واحنا اكيد بنتقبلها اما هو الحقيقه عضو فعال ومواضيع مميزيبتمنالو الهخير هو وارجينتا وفاموس قلب للمواضيعك الحلوه
مجنون فتح/ما بعرفو الا قليل جدا بس تشرفنا بهيك عضو ومنور المنتدى اكيد
زهرة الحنون/بحب الشعر اللي بتحطو بالمنتدى الله يديمها للمنتدى ولصحابو

يا رب اكون قدرت احكي اللي بدك اياه ونورت اخ فتح واحنا رجالها

بنت جنين كتب:

اما انا شو بفضل يعني البنات نفسي اجيب عشر بنات واخليهن عشر اميرات واجوزهن لشباب المنتدى العزابيه واعمل حماتهم واطلع عينهم هههههههههههه


وليث هلكتني قد ما سالت بسمعلش
المهم شفيت غليك مني هههههههههههههههههههههه

اول شيء يعطيكي الف الف عافية اخت بنت جنين وكانت ردودك رائعة جدا يدل علي ثقافتك العالية وذوقك الرفيع
وتربيتك الاسرية والبيئية المحيطة واكيد مدينة جنين التي صمدت بوجه اعتي واقوي اليات ومصفحات وجيش مدجج بالسلاح والعتاد وسطرت بدماء رجالها الغر الميامين اسمي واروع ايات العز والفخار والانتـــــــصار
ومن كل هذا تخرج بنت جنين من رحم مدينة الشهداء والعزوالاباء " جنين" ...

((وتعقيباعلي الاقتباس اعلاه ))
اة بحقلك تطلعي عينهم العرسان وانشاءالله يعطيك الله ما تتمنين ويكونوا من الخيرة والذريةالحسنة
تحيتي لك
ودمتي ذخرا للوطن ولفتح ولمنتدانا الغالي

يعطيكي العافية كتير اختي بنت جنين

و بتشكرك كتير علي ثقتك واعجابك بشخصية الماردة الفتحاوية


باين عليكي مش منتبهة لسؤالي المطروح في بداية استضافتك لكرسي الاعترااف هههههههههه

يا بخته اللي ماخد عقلك ههههههههههههههههه

وانا بكرر سؤالي الك مرة تانية

و انا عندي لكي سؤال واحد فقط


سيرة ذاتية مختصرة عن بنت جنين ؟؟؟؟


و لي عودة طبعااااااااااااااا ههههههههههه

ما تقلقي

اولا بعتذر كتير اختي المارده ما انتبهت لسؤالك ما تواخذيني يعني
بس هسه رح ارد عليه من عيوني

سيرة ذاتية مختصرة عن بنت جنين ؟؟؟؟

بنت جنين بنت زيها زيها كل البنات من اسره عاديه جدا من مدينة جنين بحب الحياه بحب فلسطين مستعده اقدملها الغالي والنفيس فدا ترابها
الي اخ شهيد واخ اسير بس اتحرر الحمد لله ابوي متوفي وهايشه معامي واخواتي ال3
ومستعده اقدم حالي الها ورحي رخيصه فادها
بنت فتحاويه وبفتخر
قائدي الياسر الكاسر ابو عمار
اما عني شخصيا
بنت حبوبه مرحه بحب كل الناس قلبي طيب بزياده يعني على هبل جاي ههههههههههههههه
وان حكيت عن حالي اكتر بصير غرور بس الحمد لله عنديثقه عاليه جدا جدا جدا بالنفس

واكيد معظمكم عرف عني الكتير

واهم شي حبيتكمممممممممممممممممممممممممممم كلكم دون استثناء وصرتو عيلتي التانيه


بتمنى اكون حاوبت على سؤالك اختي المارده
وتعزريني مره تانيه ما انتبهت
بس انتي واسئلتك على راسي والله


اختك بنت جنين

بسم الله الرحمن الرحيم000000000000000000
اختي بنت جنين مرحبا بكي
مشكورة كتير على ما قلتيه بحقي 000000000000

1--ما هو شعورك بما يحدث في قطاع غزة 00000000000000

2-هل لكي رغبه في المجيئ الى غزة 0000000000 اكيد لاء هههههههههه

وبس 00000000

ههه

نورت اخي عهدام
بشرفني اجاوب على اسئلتك
والحكي اللي حكيتو عنك مقصره فيه بتستاهل اكتر طبعا

ا هو شعورك بما يحدث في قطاع غزة؟؟؟

طبعا شعوري زي شعور كل مسلم عربي حر بخاف على ولاد دينو واخو المسلم
فايش حال ولاد البلد الوحده
صدقوني قلبي بيبكي قبل عيوني على ما يجري في القطاع الحبيب من قتل وهدم للمنازل
واكيد انتو شعب صابر جبار الكم الاحترام كلو وبنوقف امامكم حانين هامتنا لشخصكم الكريم
ولصبركم ولما قدمتوه من تضحيات وشهداء ومنازل هدمت وامهات فقدت ابناءها واطفال يتمو

وزي ما بقولو ما بحس بالالم الا صحابو وانا مجربي شو يعني يتم وشو يعني افقد اعز الناس الي
ولكن نحتسبهم عند الله شهداء مع الانبياء والصدقين
اما ازا بتقصد الاقتتال الداخلي بين فتح وحماس وفبحب هالراي احتفظ فيه لحالي


هل لكي رغبه في المجيئ الى غزة 0000000000 اكيد لاء هههههههههه

غلطان كتير اخي عهدا
واللهي امنية حياتي اجي على القطاع وعلى فكره الي اصدقاء كتير من القطاع
وكلهم حكيتلهم نفسي اجي عليه

وزاد محبتي للقطاع لما اتعرفت على احلا عيله بالدنيا عائلة الشهيد رامي ابو سعده (عيلتك يا اخ عهد)
ويا رب تتحقق هالامنيه
وليث المشاهد المدير بيعرف رغبتي وسالتو كيف ممكن
عقدها بوجهي وحكالي ما بيصير
وانا بعرف انو الاحتلال ابن الكلب ما خلا طريقه نوصل فيها لبعض
اله ينتقم منهم ويريحنا منهم اللهم امين

وبتمنى اكون جاوبت عليك بما يرضيك ونورت مره تانيه

عدنـــــــــــــــــــــــــــــــــــــــــــــــــــــــــــــــــــــا

السؤال بقول/
عمرك فكرت بالانتحار للتخلص من موقف اوحدث قاسي عليك ؟؟؟ ليش بطلت؟؟اوما اصريت؟

شو هالسؤال يا ليث

لا ما فكرت ولا بحياتي بفكر
لاني بنت نؤمنه انو هالاشي حرام
ربنا حط فينا الروح وربنا بياخدها

مش احنا بنقرر صح

ورغم اي موقف صعب بمر ويا مكثر المواقف الصعبه اللي مرت عليه بحياتي
بس ربنا قبل ما يرمي البلا بيرمي الصبر

والحمد لله على كل اشي

شكرا ليث على هالسؤال
وبتمنى اجابتي تكون مقنعه

.كيف شايفه منتدى عهد الشهداء..؟واعطى بعض النصاائح ليكون منتدى افضل؟

2.مين رفيقه دربك؟

3.مين الشخص اللى ما بتقدرى تحكيلو لا..؟

4.الحريه بمفهومك ؟كيف شايفاها وشو هيا؟

5العضو القريب منك في المنتدى ؟

6وقوليلي كيف كنت وانت صغيرة وكيف بتتخيلى حلك لما تصيرى ختيارة


7شو هواياتك؟

8.وشو طموحاتك؟ولوين بياخدك طمووحك؟

9.هدفك ممكن تحققى وحتى لو كنتى عارفه انو مستحيل يتحقق او..كنتى عارفه كل اهلك ضد هاد الهدف؟

10 ما هو الشى الجميل الذى حدث فى حياتك ولا يمكن ان تنسيه ؟؟

11 ما هو حلم حياتيك ؟؟

12هل واجهتى مصاعب او مشاكل ولايمكن ان تنسيها على مر السنين؟؟



ارجو ان لا اكون ازعجتيك بهذه الاسئله

ههههههههههههههههههههههه
نحيتي لك بنت جنين ... اجابتك رائعة وصريحة وايضا الجميع يعرف ان الانتحار حرام ولكن في من البعض يفكر بهذا الشيء ...


ولكن انتظر اجابتك علي اسئلة زهرةالحنون لانها بسراحة اسئلة رائعة جدا
وانتظر بنت جنين الذي اري انه سيكون ردها الرائع ايضا عليها ...
دمت بود

ههههههههههههههههههههههههههههههههه انا جاي اضحك اليوم بس

اولا تشرفت باسئلتك زهرة الحنون نورتي
وعهد باشا اضحك براحتك بس انتبه لتفقع من الضحك طيب

كيف شايفه منتدى عهد الشهداء..؟واعطى بعض النصاائح ليكون منتدى افضل؟
منتدى عهد الشهداء صرح فتحاوي ارئع جدا ثقافي ترفيهي رياضي بيحقق كل اشي ممكن وبلبي رغبات الجميع
بعض النصائح
هي نصيحه وحده اتاكدو انو هالمنتدى باعضاءو بكبر وباعضاءو كمان بصغر واعتبر المنتدى الك والها وشوفو كيف بصير احسن منتدى بالعالم بهمتكم ونشاطكم

2.مين رفيقه دربك؟
الي رفيقة دربي من وانا صغير ورح اموت انا وياها اسمها نوره من مخيم الصمود مخيم جنين

3.مين الشخص اللى ما بتقدرى تحكيلو لا..؟
خطيبي

4.الحريه بمفهومك ؟كيف شايفاها وشو هيا؟
الحريه بمفهومي كبير وشامل
وباختصار بس الانسان يوخد حريتو بحدود شرع الله ورسوله
بما لا يغضب الله والوالدين وبصراحه يتعامل ما يخبي اشي هو متاكد انو واثق منو انو صح وان خبا بكون اشي غلط وهون انتهت الحريه

والواحد الحريه اللي الو حرية الراي حرية التفكير حرية الاختيار بكل اشي
حرية التعبير عن انا شو بدي وشو ما بدي
والحريه لما تكون صح بتكون بسيطه كتير كتير


العضو القريب منك في المنتدى ؟
المارده الفتحاويه وليث

6وقوليلي كيف كنت وانت صغيرة وكيف بتتخيلى حلك لما تصيرى ختيارة
وانا صغيره كنت طفله غبيه جد والله مشيت وحكيت وانا صغيره كتير وكنت قصيره كان الناس يحكو عني لعبه ماشيه على بطاريات
بس كنت كتير شقيه وكتيرة حكي ولا زلت كتيرة حكي
اما وانا ختايره الله يستر بس هيك بقول
بجوز اصير ختياره مخرفنه ههههههههههههههههههه


شو هواياتك؟
عندي كتير هوايات
بحب احكي كتير وبفجر كل طاقاتي بالحكي بحب اعاشر الناس اجتماعيه جدا
بحب اقرأ القصص وخصوصا الرومنسيه
بحب اشوف افلام اجنبي الاكشن والعلميه

8.وشو طموحاتك؟ولوين بياخدك طمووحك؟
كتير عندي طموحات اهمها واللي هو طموح كل الشعب الفلسطيني تتحر هالارض ويرجعلنا هالوطن
طموحي اصير اشي مهم بالوطن افيد واستفيد
طموحي يكون الناس مبسوطه ويعيشو زيهم زي باقي خلق الله
اما على الصعيد الششخصي
نفسي اكون مبسوطه مع اهلي وبكره مه زوجي اجيب ولاد وبنات حلوين اربيهم على القيم والاخلاق وحب الوطن
ويطلعو مفيدن لبلدهم ولوطنهم

هدفك ممكن تحققى وحتى لو كنتى عارفه انو مستحيل يتحقق او..كنتى عارفه كل اهلك ضد هاد الهدف؟
الحمد لله انا بنت واقعيه جدا اهدافي على قد عيشتي على قد تربايتي
عمري ما كان بدي اشي اهلي ما بدهم اياه
او ممكن انو يتعارض مع دين او شرع او ترباية اهل
علشان هيك كل اشي بتمناه بحققووالحمد لله


ما هو الشى الجميل الذى حدث فى حياتك ولا يمكن ان تنسيه ؟؟
السنتين اللي درستهم بالجامعه كنت بسكن داخلي للطابات احلا من هيك عيشه وصحبه وحياة ما رح انساها بحياتي

11 ما هو حلم حياتيك ؟؟
اعيش 5 دقايق بفلسطين وهي حره وبعدين اموت

12هل واجهتى مصاعب او مشاكل ولايمكن ان تنسيها على مر السنين؟؟
الحمد لله ولا اي مشكله


بتمنى اكون جاوبت زي ما بدك يا زهرة الحنون
وشرفتيني

بتشكرك يا بنت جنين كتييير وباتمنالك النجاح فى حياتك العلمية والعملية